Bura mənim dünyamın sadəcə bir hissəsinin əksidir...

воскресенье, 20 октября 2013 г.

Arzularımız

Səninlə bir neçə arzularımız var idi.Tanış olanda mənə təklif etmişdin “Gəl İstanbula gedək.Orda evlənərik,uşaqlarımız da olar,istədiyimiz kimi işimizi də qurarıq”...Xatırlayıram.Sən həmişə istəyirdin həyət evində yaşayaq mənsə sevməzdim.Deyirdin-Həyət evi gözəldi,uşaqları da həyətə buraxırsan sabahdan axşama kimi oynayırlar axşam da çimdirib yatızdırırsan.İllər keçir bir baxırsan ki böyüyüblər.Hasarın dibində güllər əkərik,hovuz tikərik,balaca itimiz də olar..."
Qızımızın olmasını çox istəyirdin.Deyirdin ikinci uşaq da qız olsa olar amma mən həmişə istəyirdim oğlum da olsun.Sənə bənzəyən təbəssümlə,güləndə yanağı batsın,sarışın olsun bizim kimi,gözləri mənə bənzəsin uşaqlarımızın-deyirdin,eynən sənin kimi baxsın mənə qızımız...Saçları sarı,beli incə,əlləri bəyaz,özü də sənin kimi nazlı olsun...
     Biz ayrıldıq.Mən bir neçə müddət Bakıda yaşadım amma sənin yoxluğun mənə ağır gəldi.Sən olmasan belə səninlə olan arzularımızı reallaşdırmaq qərarına gəldim.
     İstanbula getdim yay aylarında.Bir müddət orda işlədim elə həmin vaxtlarda da bir oğlanla tanış oldum.Eynən sənə bənzər : Hündür,sarışın,gülərkən yanağı batan...Qışda evlilik təklifi etdi arzumuz idi apreldə toyumuz olsun mən də toyu aprelə ertələtdim.Açıq havada,canlı piano və sripkanın müşaiyətiylə çox gözəl toy baş tutdu.”Rusalka” tərzi gəlinlik geyinmişdim.Səninlə gəlinlik salonlarını gəzərkən sən demişdin - mən istəyirəm sən elə bir gəlinlik geyinəsən.Geyindim...
     Həyət evi aldıq yoldaşımla.Hovuzlu,hasarın yanında çiçəklər də var idi onlara çox qulluq edirdim.Hər mövsümdə gözəl idi həyətimiz.Sonra yoldaşım mənə balaca it hədiyyə etdi.Həmin ildə mən hamilə idim.Qızım olacaqdı.Adını Yağmur qoydum yoldaşım da etiraz etmədi.Eynən mənim kimi sarışın,incə belli,bəyaz əlləri olan bir qız oldu böyüyüb.Oğlum da oldu sonradan 3 yaş fərqləri var bir-birindən.Onun da adını İsmihan qoydum.Sənin adına bənzəsin deyə...

      Evlilik həyatım sakit keçirdi.Yoldaşımla aramızda heç vaxt böyük problemlər yaşamadıq çünki mən səninlə yaşayırdım onunla yox...O bunu hiss etmirdi mənə çox aşiq idi gözü heç nəyi görmürdü.Hə,bunları yazmaqda məqsədim o idi ki,istədim biləsən bizim qismətimiz bir olmasa da bizim arzularımız həyata keçdi.Bu mənim poçt ünvanımdı.Sən də yaz.Bəs sən nə etdin bizim qalan xatirələrdən?Unutdunmu?Yoxsa həyata keçirdiyin oldumu?Adımı yazmayacam bilirəm bu arzular yalnız bir qadınla yaşana bilərdi ki,o da mənəm.Sənin .....n 
                                                                         Şahzadə

пятница, 4 октября 2013 г.

Mən "O" deyiləm

                                       Mən "O" deyiləm 

                           

                                                 

Güclü yağış yağırdı.Özümü tələsik addımlarla dayanacağa çatdırıb ilk gələn avtobusa atdım.Çəkmələrim alcaq daban olduğundan ayağım suya düşəndə islanmışdı.Hava soyuq deyildi və külək yox idi adətən belə havanı sevirdim.Amma evdə pəncərədən izləyərkən...Çox narahat hiss edirdim özümü evə çatan kimi tez hamama girəcəkdim.Avtobus gəldi və mən çətirimi bağlayıb tez avtobusa mindim.Dəhşət basa-bas idi.Çantamı qoluma kecirib bir təhər özümə yer eləmişdim ki,üzbə üzdə dayanan oğlanı arxadan möhkəm itələdilər və o mənə toxundu.Onsuzda yorğun halımla özümü güclə saxladığımdan əsəbi şəkildə başımı qaldırıb:-Bir az ehtiyyatlı olun daa- dedim.
Oğlan utancaq şəkildə:
-Üzr istəyirəm xanım,istəmədən oldu- dedi.
Gözlərimiz toqquşan anda ondan bir elektrik aldığımı anladım.O da gözlərini qaçırırdı sonra yenidən baxırdı sonra yenə...Zatən üz-üzə idik mən arada başımı qaldıranda görürdüm ki,üzümə baxır.Elə ki,mən də ona baxırdım gözlərini qaçırırdı.Avtobus sonuncu dayanacağa yaxınlaşırdı.Deyəsən o da qonşum idi.Çantamdan pul çıxarmaq istəyirdim ki,çətir əlimdən düşdü və o anda çantam da qeyri-ixtiyari olaraq çevrildi.Tələsik halda əyilib yerə tökülənləri yığmağa başlayırdım ki,o da mənə yardım etməyə başladı.Çantanı doldurdum və dodaq boyasını mənə uzatdı o andaca:
-Çantanızda buna ehtiyac yoxdur,gözəlsiniz...-dedi
Xəfif təbəssüm edib dodaq boyasını aldım və dayanacaqda avtobusdan düşdüm.O da mənimlə.Əslində bu komplimenti başqa biri etsəydi bəlkə də heç o təbəssüm də olmazdı amma o mənim ürəyimə yatmışdı.Kölgəsini ardımda görüncə həyəcanlanırdım.Kaş onu yenə görəydim.Görən harada yaşayır?Kaş bir bəhanə ilə yenə mənə yaxınlaşaydı-kimi fikirlərlə açarı çantamda axtarmağa başladım.Çətir mane olurdu və binaların arasında məni külək yaman tutdu.O anda arxadan yaxınlaşaraq cəld çantamı alaraq:
-Burda bir xanıma yardım etmək lazımdır deyəsən-dedi və gülümsədi.
Yenə gülümsədim.O:
-Binanız hansıdır?
-Elə bu tindəki...
-Problem olmaz ki,bloka kimi yardım etsəm?
-Yox,problem olmaz amma sizə əziyyət olacaq.
-Yox əşşi nə əziyyət?Xoşdur (gülümsədi)
Mənə də xoş idi.Evdə məni Aysel gözləyirdi.Yəni bacım.Nişanlı idi mənimsə hekayəm çox uzundur.Ayselle tək qalırdıq valideynlərimiz 5 il idi ki,Türkiyədə biznes qurub yaşayırdılar və yalnız yaydan yaya onlarla görüşürdük.Ya biz ora gedirdik,ya onlar bura gəlirdilər.Anam dəfələrlə demişdi çıxın gəlin bura.Lakin Aysel nişanlı olduğundan oğlanı burda qoyub gedə bilmirdi.Toyu olar olmaz mən getmək barədə düşünürdüm.Məni də bu şəhərə daha heçnə bağlamırdı.Amma böyük bacı olduğumdan onu tək də qoyub gedə bilmirdim.
Bloka yaxınlaşdım.Çantamı götürmək istəyirdim ki:
-Bir də sizi nə vaxt görə biləcəm?-dedi
-Siz də burada qalırsız?
-Hə.Əslində yox amma hə.
-Bu necə olur?Hə ya yox?(gülümsədim)
-Sabah eyni dayanacaqda gözləyəcəm.Evə qədər sizə hər şeyi danışaram.Gecəniz xeyrə qalsın-dedi və çantamı verib çönmüşdü ki,arxasınca onun səslədim:
-Heeey,adın necə oldu bəs?
  O mənə tərəf çönüb gülümsədi və cavab vermədi...
Pillekanları çıxa-çıxa içimdə qəribə hisslər tuğyan edirdi.Qapıya çatıb açarı saldım.Aysel adətən bu vaxtlar dərslərini oxuyurdu və qapı döyüləndə otağından çıxmağa ərinirdi.Ona görə mənim öz açarım vardı.İçəri daxil olub plaşımı və ayaqqabılarımı çıxarıb otağa keçmədən hamam otağına girdim.Duşdan açılan isti su canıma yayıldı sanki.Hamamdan çıxanda baxdım ki,Aysel kitabların yanındaca yatıb.İşığı söndürüb öz otağıma keçdim.Gözüm güzgünün kənarına bərkidilmiş şəklə sataşdı.Fərhad məni qucaqlamışdı arxadan...Biz ayrıldıqdan sonra onu xatırladan hər şeyi ortadan yığışdırsam da bir tək bu şəklə toxunmamışdım
Fərhad...Çox sevdiyim,ömrümü həsr etdiyim insan.Bilmirəm onu necə təsvir edim?...Sevgilim mi?Həyat yoldaşım mı?Əslində heç vaxt ailə qurmamışdım amma Fərhad mənim ilk sevişdiyim insan olub.Uzun və filmlərdəki kimi romantik sevgi yaşamışdıq onunla.Hər şeyi içdən istəyərək...İndi o başqa ölkədədi.”Məsafələr sevgiləri soyutmaz “ fikri ilə heç razılaşmadım.Ən çox qısqanclıqlar yarandı aramızda tez-tez facebook-da dava edirdik gah “münasibətdə” statusunu qoyurduq gah götürürdük.Məni qısqandırmaq üçün etdiyi şeylər əslində ondan soyumağıma səbəb oldu.Yani münasibət cəhətdən...Amma içdə onu hələ də dəli kimi sevirəm.Və O-ndan sonra həyatımda heç kim olmayıb.Avtobusdakı oğlan da ona çox bənzəyirdi və bəlkə də mənim anlaşılmayan hisslərimə səbəb bu oldu...
Bu səhəri başqa həvəslə oyanıb hazırlaşmaga başladım.Sacımı axşamdan fenlə düzləşdirə bilmədiyimdən yuxarıdan toppuz şəklində yığdım.Çoxdandır makiyajdan istifadə etmirdim.Bu səhər çox özəl görünmək istəyirdim.Əynimə ən gözəl donumu geyinib,rəfdən başqa ayaqqabı da seçərək evdən çıxdım.
 Bu gün işdə otura bilmirdim.İşin bitməsini səbirsizliklə gözləyirdim.Tez-tez güzgüyə baxırdım makiyajımın korlanan hissələrini düzəldirdim.Nəhayət iş saatım bitdi və mən dayanacağa doğru addımlamağa başladım.O da artıq məni gözləyirdi.Yaxınlaşan kimi əlini uzadaraq:
-Salam.Bu gün çox gözəl görünürsən-dedi.
Lap həyəcanlanmağa başladım.Yenə yol boyu söhbət etdik və o mənə heyranlığını gizlədə bilmirdi.Adını da söylədi.Adı Orxan idi.
Beləcə biz hər gün o dayanacaqda görüşüb evə gəlirdik.Sonrada öyrəndim ki,qonşuluqda qalmır sadəcə həmin axşam mənə görə o boyda yolu gəlibmiş.O mənə artıq sevgisini də etiraf etmişdi.İstirahət günlərini də birlikdə keçirirdik.O da mənə öz həyatından bəhs etmişdi.Keçmiş sevgilisinin adı İlahə olub və onu unutmaq üçün uzun müddət depresiya keçirmişdi Orxan.İlahəylə ayrılıqlarına səbəb Orxan əsgərlikdə olarkən ailəsinin İlahəni başqa birinə ərə verməsi  olmuşdu.Orxan bu zərbəni uzun müddət unuda bilməzdi amma mən də Fərhaddan aldığım zərbəni yeni sevgiliylə ovudacağıma inanırdım və ovudurdum da.Orxan da mənimlə xeyli xoşbəxt idi.Tez-tez kinoya gedirdik,Orxan rəsm sərgilərini sevdiyindən sərgilərə gedirdik,akustik konsertlərdə olurduq,əylənirdik.Hər şey ilk baxışda çox gözəl idi...
Bir gün onun dostunun ad gününə birlikdə getmişdik.Orxan xeyli içmişdi.Məni evə gətirdi və mən nədənsə onu evə buraxmaq istəmirdim həm sərxoş olduğu üçün həm də artıq gec idi bu vaxt o avtobusa çatmayacaqdı hələ 1 saat yol getməli idi.Aysel də bu gecə rəfiqəsi gildə gecələyəcəkdi.Orxandan qalmasını istədim.Öz otağımı ona verdim özüm isə gecələmək üçün Ayselin otağına keçdim.Güzgüyə yaxınlaşıb pampıqla makiyaj siləni götürdüm və kosmetikamı təmizləməyə başladım.Təzəcə patarımı çıxarmışdım ki,Orxan qəflətən otağıma girib mənə arxadan sarıldı.Mən də bir az sərxoş idim və içkinin təsirindən ona qarşı çıxa bilmədim.Əli ilə saçlarımı çiynimdən kənara atıb boynumdan öpməyə başladı lap gücsüzləşirdim.Fərhad da həmişə eynən bu formada öpərdi məni...
Qeyri-ixtiyari olaraq sevişməyə başladıq.Fərhad...O ağlımdan çıxmırdı.Onunla ayrıldıqdan sonra heç kimi özümə yaxın buraxa bilmirdim mənə elə gəlirdi ki,bu bir xəyanətdi.Lakin,Orxan...Onu da sevirdim...O Fərhada bənzəyirdi.Fərhad kimi öpüşürdü.Dayanmadan öpürdü məni.Və bir an oldu ki,Orxan qulağıma pıçıldadı:
-İlahə,səninçün çox darıxmışdım...
    Səhərə qədər Orxan bu hərəkətinə görə əzab çəkdi mənsə Ayselin otağına keçib yataqda ağladım.Hava işıqlaşanda qapının səsini eşitdim.O stolun üstünə bir kağız parçası qoyub evdən çıxmışdı.
“Bağışla,üzr istəyirəm”
  Kağızı əlimdə sıxıb otağıma keçdim və dərhal çantamı yığıdım güzgünün kənarından Fərhadın şəklini götürüb cüzdanıma qoydum.Hava limanına doğru yola düşdüm.Bacıma yolda mesaj yazdım.
“Türkiyəyə gedirəm mama gilin yanına.Uzun müddət burdan uzaqda qalmalıyam.Sənə yastığının altında 2-3 aylıq idarə etmən üçün pul qoymuşam.Bağışla belə plansız qərarım üçün.Sənin üçün darıxcam”...

    Əgər keçmiş sevgilini qəlb unutmayıbsa bədən deyil bütün cahanı versən xoşbəxtliyi tapmayacaqsan.Təsəlli tapmaq üçün yox xoşbəxt olmaq üçün sevgi axtarın...Və sevgilini özünüz unutmağa cəhd etmədiyiniz sürəcə onu kimsə sizə unutdura bilməz...
                                                                                         ŞAHZADƏ

суббота, 16 февраля 2013 г.

Yalnızlığın Tablosu...


Kişisənsə:-Ayrılığın ilk günü
Səhər oyanarsan ilk iş siqaret yandırmaq.İştahın olmaz sadəcə çay içərsən heçnəsiz...Telefonu yandırmağa həvəsin olmaz çünki bilirsən zəng edən olmayacaq.Yox olacaq bu O olmayacaq.Telefon kimi bağlı olduğun əşya da sənə maraqsız olar.Dostuna zəng edərsən gəlsin səninlə dərdləşməyə.O gələr.Birlikdə siqaret çəkib ONDAN bəsh edərsən arada gözlərin dolar dostunsa "Əşşi unut getsin dünyada qızdan çox qız var" deyər sənə yeni qız nömrələri təklif edər.Ən yaxşı halda bu axşamı bazlığa getməyi təklif edər.İstəməzsən...Ürəyin heçnə istəməz...
Günortaya doğru bir şeylər yeməyə qalxarsan oturduğun yerdən.Dostun hələ də təsəlli etməkdədi səni.Silər kompundan ONUNLA olan şəkillərinizi.Telefonuvu da istəyər hər şeyi silmək üçün verməzsən...Axşama doğru əlivə keçəni geyinib çıxarsan şəhərə dostunla.Dostun bilə-bilə səni elə bir yerə aparar ki orda qadınlar çox olsun.Masanıza pivə alıb qoyar.1,2,3,4,5 sən dayanmadan içirsən.Ətrafında qadınlar qaynaşır.Yarı sərxoş halda biriylə tanış olarsan.
Gecəni evdə keçirməzsən.Yatarsan bir qadınla səhər oyanarsan.Ürəyin qalxar...Həm içkidən,həm yatdığın qadından həm özündən iyrənərsən...Paltarlarıvı geyinərsən əl üzüvü yumaq üçün hamam otağına keçməzsən öz üzüvü görün iyrənməmək üçün.Evə gəlib hamama girib ağlayarsan.Dünyanın sonudur?-deyə özünə sual verərsən.Bu günü də yola verib sabahdan özünə yeni həyata başlayacağına söz verərsən.
Sabah ən yaxşı paltarlarını geyinərsən,üzüvü qırxarsan,bər-bərə gedib saçlarını son dəbdə düzəltdirərsən.İlk fürsətdə bir qızla tanış olarsan.Hər gecə zəngləşmələr,restoranlarda yeməklər,güllər...Özüvü ona bağlamağa məcbur edərsən.və...düşünərsən ki artıq alınır və sən xoşbəxtsən...
Bir gün sevgilin sənə bir xoş sözlə müraciət edər ya da ONUN ətrini vurub görüşə gələr...Yaxınlaşıb üzündən öpəndə o ətri hiss edərsən.O an anlayarsan əslində keçmişlə bağlı heçnə bitməyib günün zəhərə dönər.Sevgilinin dediyi xoş söz zəhrimara dönər.Çünki O da sənə bu xoş sözlə müraciət edərdi...Dilin tutular boğazına bir şey dirənər o an məhv olarsan...Günü bir təhər yola verərsən gələrsən evə.Sevgilin zəng edər açmazsan.Smslər yazar cavablamazsan.Çünki keçmişlə bağlı heçnə bitmıyib adi bir ətir səni ONA apara bilibsə.Sevgilin get gedə səndən diqqətsizliyinə görə küsər,davalar edər,acılayar...
Bir müddət sonra anlayarsan ki əslində sən axtardığını bu qadında tapmamısan siz fərqli insanlarsız...Gecə oturarsan kompyuter başına axtararsan ONUNLA olan köhnə şəkilləri.Baxıb-baxıb ağlayarsan dəli olarsan.Smslərini oxuyarsan.Nömrəsinə zəng edərsən əvvəl səsini dinləmək üçün sonra bir yerdən bir söz atıb ünsiyyətə keçə bilmək üçün.Girərsən facebooka axtararsan onun yeni profilini və STOP!!! ONUN münasibətdə qoyduğu biri var !!!Və sənin ONDAN başqa heç bir dayanma nöqtən yox idi bütün qadınlar yalandı təkcə O sən ONU istəyirsən...GECDİ!Hər zəng gələndə ürəyi çırpınar ekrana ONUN adının yazılmasını istəyərsən.Telefonun da 1 nömrə olar adı SEVGİLİM amma heç vaxt zəng etmədiyin ya da edə bilməyəcəyin 1 nömrə...
QADİNsansa:-Ayrılığın ilk günü...
Səhər yuxudan oyanmaq istəməzsən.Gözlərini açan kimi ilk o fikir sənə hücum çəkər O yoxdu.Ağırlıq çökər üstünə.Yatağından qalxmaq istəməzsən.Baş ağrısı,davamlı olaraq dolub boşalan gözlər.Telefonu açarsan o ümidlə ki,bəlkə gecə zəng edib?...Amma yox...Heç olmasa gizli zəng gəlməsi barədə bir bildiriş mesajı gələydi-deyə düşünərsən.Qalxarsan yatağından bir təhər.İştahasızlıq,ürək bulanma,baş ağrısı...Dünyanı üstünə çökmüş hiss edərsən.Rəfiqən zəng edər.Telefonu götürməyi istəyin olmaz eyi anda da kiminləsə bu ağrıları bölüşmək istəyin olar.Telefonu götürüb qiriq-tökük sözlərlə hər şeyin yaxşı olduğunu demək istərsən.Amma o rəfiqəndi sən sussan nəfəsindən biləcək içincə ağrı var.Dərdləşər səninlə hətda ürəyi soyumaz durar gələr sənin evinə.Əhvalını düzəltməyə çalışar.Ümid verər ki,hər şey yaxşı olacaq...Sən bilirsən amma O həmişəlik gedib...
Bir neçə gün evdən çıxmaq istəməzsən...İşə gedib evə gəlmək.Ürəyin sıxılar.
Bir gün bezərsən eyni şeylərdən.Rəfiqəni də götürüb shoppingə gedərsən.Ani olaraq sızlayar içində bir şeylər amma sən güclü olmalısan özünə söz vermisən.Gözəllik salonuna gedərsən.Onun sevdiyi saç düzümü və saç rəngini dəyişib tamam başqa obraz olarsan.Ətrafında sənə əks cinsdən olanların diqqəti və komplimentlər sənə ruh yüksəkliyi verər.Amma sən yalnızlığı tərcih edərsən.Çünki xəyal qırıqlığına uğramısan və ONU unutmamısan zamana ehtiyacın var...
Gələn hər gün için bir az daha rahatlayar.Çünki məhz zaman bütün yaraların məlhəmidir.Arada  gecələr nələrsə yadına düşər ağlayarsan.Mesajlarını oxuyarsan ağlayarsan."Mən həmişə sənin yanında olacam"-kəliməsi qədər heçnə incitməz səni o qədər sözlərin içində...Bir az daha zaman keçər.Yeni il olar,sevgililər günü,8 mart...Sənə çoxları təbrik mesajı yazar sən ONDAN gözləyərsən.
Və..Doğum günün...ONUN yoxluğunu məhz həmin gün dərk edərsən və yeni qərar verərsən "Yeni ilişki" qərarı...
Qarşına elə bir insan çıxarki ağlın başında gedər.Daha öncə mən sevgi yaşadım?-deyə təəccüblənərsən.Telefondan,kompyuterdən və silinə biləcək hər yerdən ONA aid hər şeyi silərsən...Hədiyyələrini belə atmağa güc gələr sənə.Nömrəsini artıq unutmaqdasan və sən də artıq yeni nömrədəsən...Hər gün gözəlləşərsən və bu səni daha da xoşbəxt edər.Daha dostların ONU səndən soruşmaz və əksinə yeni münasibət qurduğun insanı tanımaq istədiklərini deyərlər sənə.Bakı balaca şəhərdir.Sənin xoşbəxt olmağın gedib ONA çatar.Səni itirdiyinin fərqinə indi varar və...
Axşam internet səhifənin mesaj hissəsinə 1 pm gələr:
-Səni unuda bilmirəm...050 ....... 17 zəng et mənə sənin sevginə çox ehtiyacım var...
                                                                    ŞAHZADƏ...

суббота, 19 января 2013 г.

Mənim həyatım gözəldir...


Çox vaxt qarşıma çıxan insanlar həyatdan gileylənirdilər.Mənsə hər zaman hər kəsə eyni cavabı verirdim:-Mənim həyatım gözəldir...
Həyat sənin tablon sənsə onun rəssamısan.Əgər həyatının uğurlu alınmırsa demək sən uğursuz rəssamsan boyalarını dəyiş.İnsanlar çox vaxt başına gələn uğursuzluqları kimdəsə görürlər.Bu bədbəxt və aciz insanların işidir.Fırçanı düz tut ən sevdiyin rəngi seç və ürəyin istəyən tablonu yarat!Əsas özünə inan.Səhvlərini və başına gələn uğursuzluqları boş ver.Onlar səni kamilləşdirdi.Rəssam boyaları və neçə fırçayla vərəqləri israf etməlidir mükəmməl əsəri yaradana qədər.Bunu unutma !
Çox insanlar mənim kənardan parıltılı və işıq saçdığımı deyir və bunun  səbəbi çoxuna maraqlıdır.Mən özümü sevirəm və hər zaman inanıram.Mən bu həyata yalnız uğur qazanmaq üçün gəlmişəm.Hər səhər oyananda birinci pəncərədən çölə yox güzgüyə baxıram.Mənim günəşim ordadır.Hər işi sevə-sevə edirəm.Ən neqativ şeylərə belə müsbət açıdan baxmağa üstünlük verirəm.Ən gözəl kosmetika-Təbəssümdür.Gülümsəyirəm...Hər kəsə gülümsəyirəm.Bütün insanları özümə cəlb edə bilirəm.Sevgim həyata qarşı həddən artıq çoxdur.Hər zaman sevgi və evlilik təklifləri alıram...Lakin evlilik mənim üçün incə mövzudu bu hər insanla müzakirə olunmaz...Həm...Mənim sevgim ilahidir.Mən Tanrını çox sevirəm.Əsas sevgim odur.Mən bir şeyi gözəl dərk etdim ki,rəsm tablomda insanlardan çox dünyamdaki gözəllikləri əsk etdirim,öz uğurlarımı,hədəflərimi...Mən xoşbəxtəm...
Mənim həyatımı  bir işarəylə əks etdirməyimi istəsəydilər mən not açarı çəkərdim...Mənim işimi təsvir etməyimi istəsəydilər mən əqrəbləri kağız puldan olan saat təsvir edərdim...Məndən dostlarimi təsvir etməyimi istəsəydilər mən 4 fəsli əks etdirən rəsm çəkərdim.Məndən sevgimi,hər şeyimi təsvir etməyimi istəsəydilər Allahı təsvir edərdim.Bu da yəqin ki,boş tabloda parlaq işıq görüntüsü olardı.Korların belə görə biləcəyi rəsm əsəri...
Özünüzü işıqlıqdan və gözəllikdən məhrum etməyin.Həyat gözəldir...
                                                                                                     Şahzadə

воскресенье, 6 января 2013 г.

Mən Fahişəyəm


Mənim adım Ayadır.Yox,Yox bu şərti ad deyil öz adımdı.21 yaşım var.16 yaşımdan fahişəlik edirəm.Daha doğrusu erkək fahişələrin pulunu sovururam.Mənimlə pulsuz kişi istəsə də yata bilmir.Çünki həm ucuz sifarişlərə getmirəm həm də mənim fahişəlik prinsiplərim başqadı.Kişilərə nifrət edirəm.Bəli,bəli,nə qədər qəribə səsləsə də bu belədir.Mən kişilərə nifrət edirəm.Xüsusilə pullu kişilərə.İlk dəfə fahişəliyə də elə pullu oğlanla başlamişdim.Onun adı Ruslan idi.Evimizin  yanındakı hündür mərtəbli binaya köçmüşdülər.Mən evin tək qızı idim anamla qalırdıq.Atam bizi çoxdan atıb gedib heç simasını xatırlamıram.O vaxtda kişi mövzularından zatən yaralı idim.
Ruslanla isə həyətdə tanış olmuşduq.Hər zaman qızların diqqətində idi.Qara Lexus sürürdü gümüşü parıldayan diskləri,hər zaman da şüşələri açıq maşının içindən mahnı səsi küçəyə yayılırdı.Bütün qonşu qadınların arzusu idi Ruslan onlardan birinin qızına tərəf cəmi bir dəfə baxsın.Ruslanınsa diqqətində mən idim.Bir müddət məktəbə maşınla dalımca gəlirdi.Bu mənim müəyyən qədər xoşuma gəlsə də həm də qorxudurdu.Çünki anam məni min bir əziyyətlə tək böyütmüşdü.Çörək sexində işləyirdi bəzən elə olurdu gecə növbələrinə qalırdı.Mənə həm ata idi həm ana...
Ruslan da bilirdi mən kasıb şəraitdə böyümüşəm.Məni bahalı restoranlara aparırdı,əyin-baş alırdı,hədiyyələr edirdi.Bəzilərini evdə gizlədirdim.Bəzilərini isə Fəridənin (rəfiqəm) hədiyyə etdiyini deyirdim.Anam inanırdı.Mən uşaqlıqdan onun-bunun əşyaları ilə böyümüşdüm.Ruslan mənə söz vermişdi ki,mənimlə evlənəcək.O zaman uşaq idim cəmi 15 yaşım var idi Ruslanınsa 20.Ruslan mənim ilk sevgim idi...Münasibətlər dərinləşdikcə cismən də yaxınlaşırdıq.Ruslan bir gün ev tutub məni qonaq çağırdı.Dedi ki-"Evdə bir şey uydur anana gecə evə getmə".Evdə Fəridə gildə qalacağımı dedim anama sabah dərs yox idi.Fəridəyə də tapşırdım ki- "Anam zəng etsə,de ki sizdəyəm".
Ruslanla yemək yeyib televizorda film izləməyə başladıq.Bu an o əlini belimə qoyaraq:
-Ayan,mən 1 ilə əsgər gedirəm.Səni burda necə tək qoyum bilmirəm.Qorxuram mən qayıdana səni anan ərə verə...
Ruslan həqiqətən qısqanc idi.İnternet şəbəkələrinin heç birində oturmaga icazə vermirdi.Telefonumu tez-tez yoxlayırdı.Mağazaya gedəndə belə ondan icazə almalı idim.Ruslan dodaqlarıma yaxınlaşaraq:
-Ayan,məni gözləyəcəyindən əmin etmək üçün mənə bakirəliyivi verərsən?-dedi.
Düzü bunu gözləmirdim.Amma yox deməkdən də qorxurdum.Birdən Ruslan onu tam sevmədiyimi düşünər.Birdən düşünər ki,mənim başqasıyla evlənmək kimi bir planım da var.Qorxdum..."Səninlə olaram"-dedim.Və biz olduq...
Həmin gecədən sonra Ruslan lap çox qısqanc olmuşdu.Məni heç yerə buraxmırdı.Universitetə hazırlaşmağa belə imkan vermirdi.Bütün günü evdə otururdum.Mənə deyirdi ki:-"Mənim həyat yoldaşım işləməyəcək.Mən onu necə lazımdı işləyib saxlayacam.Mən imkan vermərəm hansısa oğraş arvadima işdə göz qoysun.Olmaz!Sən evdə oturmalısan".Amma mən anamı saxlamalıyam.Bunu da hər dəfə Ruslana bildirdikdə o deyirdi ki:-"Ananı da özümüzlə götürəcəyik narahat olma".
Bakirəliyimi itirdiyim üçün müəyyən qədər narahat olsam da,bir tərəfdən də xoşbəxt idim ki,Ruslanım var.Hər gün hər gecə evlilik xəyalları qururdum,özümü gəlinlikdə təsəvvür edib uçurdum....Ruslan da mənimlə mütamadi əlaqədə olurdu.
Və bir gün...Bir gün ürəyim bulandı...Əslində o gündən indiyə qədər ürəyim bulanmaqdadır bu həyatdan və kişilərdən.Daimi halsızlıq və ürək getmələrə görə anam evə həkim çağırmalı oldu.Hamiləliyim məlum olduqda anam məni öncə qusana qədər döydü sonra hər şeyin necə olduğunu soruşdu.Mən danışmalı oldum...
Ruslanın ailəsinə anam şikayətə getdi.Atası anamı dinlədikdən sonra özündən razı şəkildə:-"Qızın qəhbədisə bu sənin günahındı.Cəhənnəm ol evimdən"-deyərək anamı qovmuşdu.Adım çıxmasın deyə anam onları polisə verə bilmədi.Şikayət etsəydi belə "Sadəcə həddi buluğa çatmamış şəxslə cinsi əlaqə"-yə görə iş acacaqdılar onu da ki,elə Ruslanın maşınını satmaqla ört-basdır edəcəkdilər.Anam da avam savadsız qadın olduğundan arxaya çəkildi.Ruslan yoxa çıxmışdı.Nə nömrəsinə zəng çatırdı,nə özü ortalarda görünmürdü.Ailəsi onu hansısa ölkəyə istirahətə göndərmişdi.Qarnım böyüməmiş bir çarə tapmalı idim.Uşağı həm istəyirdim həm yox...Bir axşam Ruslanın atası qulluqçuları ilə evimizə konvertdə abortun pulunu göndərib üstünə də qeyd yazmışdı-"O uşaqdan ən qısa vaxtda qurtulmasanız Ayanın başını əkəcəm"...Konvertin sağ tərəfində də həkimin nömrəsini qeyd etmişdi.Onlar bilirdilər heç bir həkim bu işə yaxın durmayacaq.Artıq planlamışdılar hər şeyi...
Anam pulu götürüb xeyli ağladı.Mənisə hey qarğışlayırdı.Mənim artıq içimdəki göz yaşı dərəsi elə qurumuşdu ki,gözlərimin altı göyərirdi hər gün.
Abortdan sonra evimizdən köçdük.Son dəfə Ruslanın otağının pəncərəsinə baxdım  qaranlıq idi.Gözümdən sadəcə bir damla süzülərək içimə axdı.Bu SON damla idi...
Həmin gündən həyatıma laqeyid yanaşırdım.Tez-tez rəfiqələrimlə içirdik,səhərə qədər barda rəqs edirdik...Və indi mən FAHİŞƏYƏM...Yalnız pullu kişilərlə yatıram.İstədiyim məbləği ödəyirlər.Üstəlik də istədiyim yerimi öpdürürəm.Bədənimə elə baxıram ki,istənilən kişi qabağımda əriyir və fahişə olduğumu unudur.Ən çox bilirsiz nə ləzzət eləyir?Özünü bayaqdan ən bahalı restoranda KRAL kimi aparıb ofisianta barmağıyla işarə verərək bir qaşını qaldırmaqla dünyanın mərkəzi hesab edən "güclü" birinin "Gücünün" ayaqlarımın arasına girənə qədər olmasını görməkdir.Kənardan ən güclü görünən kişi belə qadının 2 ayağı arasında bütün zəifliyini ortaya qoyur!!!
İndi maşınım da var,evim də var.Anamı keçən yay itirdim...Övlad da istəmirəm,ailə də,ər də...
Mən mənəvi fahişələrin mənəviyyatını və pulunu bədənimlə alıb çirkləndirən fiziki fahişəyəm.Mən erkək kişilərin yox,erkək fahişələrin qadınıyam.Erkək kişilər mənə müraciət etmir onlarin 1 qadını olur.
Ayan gözlərini divara zilləyərək çəhrayı parıldayan dodaqlarının arasından siqareti xəfifcə üfürür və:
-"Ruslandan isə hələ də xəbər yoxdu"...